شيرين عبدالسلام تكتب: يعني ايه في الدنيا أمك
![شيرين عبدالسلام يكتب: يعني ايه في الدنيا أمك](https://i0.wp.com/embassies.news/wp-content/uploads/2024/03/IMG_٢٠٢٤٠٣٢٣_٠٠٤٢٣٨.jpg?resize=480%2C406&ssl=1)
وبحنان الكون يضمك
يعني شمس بضلها
تحميك تدلك
يعني رغم وجعها
بتطيب في خاطرك
وبوجودها عمر الدنيا ماتميل يوم عليك
لكن تميل لك
ياه
ياه ع الحنان
لما يطوف بيك للسما
ويا دعاها
بالخير نازلك
والسعد طالل من عنيها
بالهنا والنور فاضلك
ياه
ياه ع الأمان لما يكون من غير حساب
كأن سيل وغرقت فيه غسل الضباب
وغزل شراعه بالأمل
علشان يكون لك
أوعى لما تموت تفكر
أنها نسيت حياتك
لأ
دي وياك ليل نهار
هيا خلك
لأ دي ضلك
وهقولك أيه
مهما أقول مايكفيهاش
ولو عمرين على عمرنا مايوفيهاش
الدنيا منها بتتولد
والجنة تحت قدمها أيوه بتتوجد
وكل يوم تتعاش
وكل يوم تتعاش